مت .. فيموت .. شعر/ حسين راشد

تحية فرعونية مصرية قبطية عربية قومية وبعد
لأني مصري .. ولساني فرعوني

والحرف مني  ..نبعه نيل لولي

بكتب بضفافه هنا

الكلمة لكمة في وش العدا

و بلسم على قلب الحبيب

بيطيب

أطبطب على حروف الأنا

وطن

تستوطن الشعلة في قلب الخمول

تتحمل

ترفع رايات النشاط

أمل

آآآآآآآآآآآآآه يا وطن

لو تتوطن

هيسري فيك حبر الحياة

بجنوني

بريشتي .. ولوني ..

و سنابل .. بتطرح مليون

قنبلة

و لغم بيطرح في شال حبيبتي

صراخ

تتولد كلمتي

في داهية جتتي

لكن تبقى دايماً

 أنت الوطن

تقهر محن

ولا يستوطنك غيري

أنا المصري .. أنا العربي

وقبري اللي انبنى

حفر

لأي نفر

يهز عرش كلمتي

مت .. فيموت