مش ناوي ألومك//حسين راشد

HTML clipboard

مش ناوي ألومك

حسين راشد

مش ناوي ألومك

ولا أفتح بيبان العتب

مَنا أصلي عارف

و مقدر قوي

كل اللي طالك  م العطب

يمكن أفضفض

وتزيد بجاحتي حبتين

مش ناوي أطبطب

دا معدش في عمري

أيدين

ولا عُت بشعر

أن ليكي في قلبي دين

شوفتي المصيبة؟!!

ما انتي لسه تايهه برضوا

أيوه عايشة في عز فُجره

مدبوحة لكن

لسه فاكره أن السنين

هترجعك

و أن اللي سبتيهم يموتوا

في بحر حبك

لجل عرضك

و انت ظنك

تيجي أرواحهم عشانك

تنفعك

ما انتي بيعتي دمهم .. من غير تمن

ما انتي خليتي عزيزك

ينعدم

و القضية اللي انتي ياما

كنتي تحيينا عشانها

سبتيها للملاعين بخطرك

سبتيها للي ما يعرفوا

غير بس سَبّك

وفاكرة أن الدفا اللي كان

في حضنك

ممكن يهز الوجود ؟!!

وإزاي وكونك اتملا

بالسفاحين الشررين

اللي تاجروا بكل دين

اللي خلوا الفلاحين

عطلانين

و اللي خلوا مُعلمينك

كما التلامذة الخيبانين

قدام سعادة الكدر الأخبر

وأما جت سفينة الموت

ما قدرتيش تقوي ف عزمهم

وقلتي موتهم كان مقدر

و انتشر خبث التعالب

جوا روح الملعونين

بين كل بين وبين وبين

و اما أحاول مره أني

ألملم الحلم القديم

ألقى نبض الحلم واقف

بين طابور الشحاتين

لجل لقمة ولا هدمه

يستروا عُري الضمير

حتى ضي الأمنيات

جه نهشها المفضوحين

وانتي واقفه

لابسه قالعه .. قالعه لابسه

ما بتختشيش

بتاخدي فيا العزا متبسمه

و بتسألي بمألسه

أنت .. مين ؟!!

كان سهل قوي

أني أسيبك .. أو أبيعك

للي ما بيرحم ولا

تصعب عليه

زي ما انتي بيعتي فيا

ألف مرة

للعته .. والنخاسين

بس ما قدرتش عشانك

أيوه ما عرفتش ألين

ما انتي غارسه جوا مني

جين كرامة المنصورين

ف ليه هلومك

و ليه افتح بيبان العتب

من أصله

و العتب هيكون لمين

ولا مين ولا مين

اسمحيلي اني اعاتب روحي

و ابهدل كل احلامي اللي ماتت

اسمحيلي ألعن اليوم

اللي مقدرتش أطوله

و أخرجه من رحمة العقل السليم

اسمحيلي اشيل العتب والطين

فوق دماغ المبطوحين

اسمحيلي الم روحي

و اطوف كما البهلول

فرحان حزين

ما انتي لسه بتسألي

وعنيكي ليا مفنجلين

هوا أنت مين ؟!!!

Advertisements

3 أفكار على ”مش ناوي ألومك//حسين راشد

  1. مش انت يابنى اللى سميتك حسين ؟!
    طب مانت مللى شيلتهم جوه العنين!
    ولا عُزت منكم مصلحة ولا رد دين
    ده أنا يابنى خبيتكم عشان غدر السنين
    جاى النهاردة تقولى امتى ازاى وفين ؟

    أنا يابنى مش تايهة مدام انتم معايا
    ولا بعت دم ولا قايضت على ضنايا
    وان كنت شايف أم تانية أحن منى
    روح بسرعة اشرحلها كل الحكاية
    بس اوعى تجرجرك جوّه الرحاية
    بس اوعى تجرجرك جوّه الرحاية

  2. مش انت يابنى اللى سميتك حسين ؟!
    طب مانت مللى شيلتهم جوه العنين!
    ولا عُزت منكم مصلحة ولا رد دين
    ده أنا يابنى خبيتكم عشان غدر السنين
    جاى النهاردة تقولى امتى ازاى وفين ؟

    أنا يابنى مش تايهة مدام انتم معايا
    ولا بعت دم ولا قايضت على ضنايا
    وان كنت شايف أم تانية أحن منى
    روح بسرعة اشرحلها كل الحكاية
    بس اوعى تجرجرك جوّه الرحاية
    بس اوعى تجرجرك جوّه الرحاية

  3. أخي الغالي والمصري الأصيل النابض بنبض طمي النيل وحضارة المصريين
    شاكر تفاعلك الجميل و أهديك غالي سلامي و تقديري و أقول لك
    مهما قاسيت منها بحبها خالص
    لكني لازم أبوح بعشقي لها خالص
    قلبي لما يقولها نبضي يكون خالص
    ما انامهما انكويت منها ما يخصنيش خالص
    غير اني من كويها قابل أكون خالص
    مخلص بإخلاص الخصوص مخصوص قوي خالص
    و انحني وأبوس تراب أرضها الخالص
    ماليش غير أم واحدة هي الهنا الخالص
    ولا يجرني منها أبداًَ غير حبها الخالص
    ============
    مع خالص خالص إخلاصي
    أيها المحب الخالص

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s