من أول السطر //كلمات حسين راشد

حسين راشدمن أول السطر
كلمات حسين راشد

من أول السطر ..لحد أخر عتاب
بكتب بقهر ..
ليه حبك دايما عذاب×عذاب
دنا
من صغر سني .. حروفك في دمي
أهرامك فصيلتي و نيلك كتاب
وإن حد قالي .. حبيبتك خانتني
بتصهد عزيمتي أهد الغياب
أحضر ألاقي .. في حضنك غريب
يقلل كرامتي .. تقولي حبيب
أقولك عدوك .. ولا حد حبك
إلا ضلوعي وضلوع الولاد
ضلوع اللي عدوا في بحر القنال
ضلوع اللي ربت في أعظم رجال
ضلوع اللي شالت وعلت و صانت
في سينا و عكا و وبحر الرمال
وببني في ابني يكمل مسيرتي
يكونك حبيبتي صمام الأمان
فليه بتدوسيني .. وليه تحرميني
و تدي اللي يفتح علينا النيران؟؟؟
نيشان الشجاعه و تبقى البتاعه
في أيدة عصايا كمان صولجان
و أعاتبك ألاقي عتابك عليا
وعلى اللي سابوكي تبقي الضحية
وغنوا لياسين وغنوة لبهيه
و سابوا اللي يسرق ..سابوا اللي ينهب
و مسكوا الكلام ..نسيوا القضية..
عتابي عليكي بيرجع عليا
عتابي على كل مبدأ بيرجع
على الل باع ضميره.. يقبض ويدفع
يمارس رجولته ورا المشربية
يمارس فحولته على المسئولية
فيخلف دعارة .. و شبهة وسية
داخلها التيوس .. سياسة غبية
بتدي اللي يسرق حق الحياة
و ترمي الشريف في ظلمة سجون
وأكون يا حبيبتي .. أكون
أو أكون
مفيش حل تالت .. يعيد الزتون
مفيش حل تالت يحافظ عليكي
غير الل كنتي بتسقيني منه
حليب الشهامة .. حليب الكرامة
ودم الشهيد على البندقية
ولا حل غير حل الوسية

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s